Օր առաջին՝ օգոստոսի 24
Այսօր կամավորական աշխատանքիս առաջին օրն էր։ Ես շատ հուզված և ոգևորված էի։ Առաջին օրս անցավ Արևելյան դպրոցում։Ծանոթացա ամառային ճամբարի երեխաների հետ, ինչպես նաև նրանց ղեկավարի՝ Գայանեի և մեկ այլ կամավորի՝ Աննայի հետ։ Փորձեցի խաղերի միջոցով ստուգել երեքաների գիտելիքները, որպեսզի կարողանամ մյուս օրերի համար ավելի հետաքրքիր և ուսուցողական նախագծեր կազմել։ Զրուցեցինք, երգեցինք ու տարբեր խաղեր խաղացինք երեխաների հետ՝ իհարկե անգլերենով և ռուսերենով։ Ամենահետաքրքիրն այն էր, որ երեխաներն ինձ մի քանի կորեերեն բառեր սովորեցրին, շատ հաճելի է հասկանալ, որ 8-9 տարեկաններից էլ կարող ես ինչ-որ նոր բաներ սովորել։
Անի Հակոբյան 