Օր երկրորդ՝ օգոստոսի 25
Այսօր Արևելան դպրոցում անցկացրածս երկրորդ և վերջին օրն էր: Առավոտյան ճամբարականների հետ միասին գնացինք Մայր դպրոց՝ Գրիգոր պապի ջութակի և նկարչության դասին: Սովորեցինք, որ ցանկացած իր ունի շողք, և նկարչության մեջ մուգ և բաց երանգները հստակեցնելը շատ կարևոր է: Շատ տրամադրող մթնոլորտ էր, և ես չկարողացա զսպել երգելու անհագ ցանկությունս:
Այնուհետև վերադաևձանք Արևելյան դպրոց, և ընկեր Աննան երեխաների հետ անցկացրեց Ռոդարիական հեքիաթների ժամ: Ամենինչ այնքան հետաքրքիր էր, որ ես նույնպես ընկղմվեցի գործընթացի մեջ:
Վերջապես եկավ անգլերենի ժամանակը. երեխաներին շատ դուր եկավ իմ առաջարկած խաղը. նրանք պետք է 3 անգլերեն տառերից ընտրեին իմ ասած տառը, հետո պետք է 3 նկարներից ընտրեին այն մեկը, որի վրա պատկերված էր այդ տառով սկսվող բառ, այնուհետև պետք է մատիտներով ներկեին տառը, նկարը և գրեին իրենց անունն ու թղթի վրա պատկերված բառը անգլերենով: Ինքս ապշել էի, թե ինչ մեծ հաճույքով նրանք ինտեգրվեցին գործընթացի մեջ: Այսպիսով՝ խաղի ընթացքում երեխաները կրկնեցին անգլերենի տառերը, իրենց իմացած որոշ բառեր և սովորեցին նոր բառեր: Մի խոսքով դասապրոցես-խաղը համարում եմ ստացված:
Անի Հակոբյան 